Versuch

Ang mga nakalagay dito ay pawang trip lamang


Leave a comment

WALA NAMANG MANGYAYARI KAHIT MAGPOST AKO NETO

DSC00964.jpgUnang una sa lahat, gusto ko lang mag vent out at magrant. Nais ko lang ilabas ang stress ko sa pagsusulat at alam ko namang di na mababago yung nakaraan. Last day of school at kuhaan ng toga.

ITO YUNG PINAKAMALALANG PILANG NARANASAN KO SA BUONG BUHAY KO!

Maraming istudyante ang maaga palang, pumila na para maaga rin matapos. May mga pumila ng 4:00AM onwards at bilib talaga ako sa kanila. As of 7:00 AM ay nasa 6th flr. na agad ang pila. Ansarap umakyat kasi makikita mong pareparehas silang organized at isang linya lang talaga yung pila. Pag nakakakita sila ng kaibigan sa pila, kawayan lang at didiretso parin sa dulo ng pila. Siguro marami pang nagkakahiyaan sumingit or wala pa yung matitigas ang mukha. Nagkakaisa pa kaming maaaga na walang sisingit kasi alam namin yung nararamdaman ng bawat isa plus respeto na lang din.

9:00AM na at nagsimula na ang bigayan ng toga. Di namin alam kung anong nangyayari sa baba kasi nasa 6th flr. kami. Ang alam ko lang ay inuuna na yung mga pinabalik kahapon bago yung mga kukuha pa lang ngayon. Sa pila namin, wala pa namang bagong mukha at wala pang nagtatangkang sumingit.

11:00AM. Nakakapagtaka bat di kami gumagalaw sa dalawang oras na nakalipas. Siguro kakasimula palang dun sa batch namin mabigyan ng toga.

1:00PM. Aba! Bat di kami umuusad. Mas nakakapagtaka na to kasi nasa 6th flr. parin kami. Ganun ba kabagal ang tao dun sa baba? Bat yun pa yung napili sa bidding kung hindi ganoon kautilize yung sistema nila. Napapansin ko rin na bakit walang umaakyat sa 6th flr. para hanapin yung dulo ng pila. Baka siguro nasa 4th flr. na yung dulo ng pila pero bat nung umusad kami ng bahagya eh di naman nadagdagan yung mga kaninang nasa dulo? San napunta yung mga tanghali na pipila?

3:00PM. Bakit nasa 6th flr. parin kami? Pakonti konti parin yung usad ng pila. Bumaba kami saglit para tignan yung pila sa baba. Yung straight na linya kanina, naging puro umbok na. Dumami yung tao at puro grupo grupo na yung nakapila. Di mo rin naman masita kung sino yung sumingit kasi di mo naman nakita pero halata mo na agad na may sumingit. Bat bat may mga taong may matitigas ang mukha? Di ba nila naisip na marami pang nasa taas na sobrang aga pumila. Yung iba di na nag-almusal makapila lang. Di ba sila kinikiliti ng konsensiya at hiya pati respeto na rin sa mga maaga? Naawa ako sa mga lumalaban ng tapat at matino. Patuloy silang natatabunan ng maling sistema. Di ko alam kung lumaban yung mga nasa baba, kasi kung lumaban sila, di naman makakasingit yung mga yan or talagang matitigas na talaga mga mukha nila na kahit sabihan mo, di na matitinag. Daig pa epoxy.

Ganito na ba nag sinasalamin ng bagong henerasyon? Sinasabi nilang nasa diskarte na ng tao kung paano siya uusad pero tama bang ang paglamang sa kapwa yung pairalin? Yan na lang ba ang nakikinita nating diskarte? Puro ginhawa sa’yo pero pahirap sa iba. Siguro di na ata nila kayang ipaglaban ang dignidad nila kaya ganun.

Ang ganda lang nung sinasabi ng iba na pag nakuha mo na toga mo, dapat masaya ka na. Di mo na dapat iniisip yung mga ganyan. So ganun na lang? Papalipasin mo nalang yung nangyari? Bakit ba may mga nagpopost na galit sila sa mga sumisingit? Karamihan kasi sa kanila yung mga lumaban ng patas at nasingitan. Sila lang naman yung mga pumila ng sobrang aga tapos masisingitan lang ng isang batalyon na kakarating pa lang. Bakit ba may nagpopost ng picture ng mga nangingit? Siguro ito na yung mga sinaway mo pero di pa rin natitinag kaya ito na lang ang bawe ng istudyante sa kanila na di sapat ang confrontation para makita nilang galit ka sa ginagawa nila. Well, mali din naman siguro ipost yung mukha mo sa public na naningit ka pero yun na rin yung way ng isa para makaganti. Ginawa mo yang paniningit na yan, panindigan mong mabash ka ng madla. Gantihan lang naman yan eh. Walang gustong may malamangan.

6:10PM. Nakuha na namin yung toga. 11 hrs. din kami pumila na dapat di naman aabot sa ganito kung may respeto ang isa’t isa. Ang nangyari ay lamangan at patigasan. Pangit na nga ang sistema nung Gorilla Trading, pumangit pa lalo sa mga istudyanteng di nagiisip ng kapwa nila.

Marahil ginhawa ang nakuha mo sa pag singit, may pinanghahawakan pa rin kaming dignidad sa aming sarili. (Me for president lol) “What is essential is invisible to the eye.” – The Little Prince

Alam kong walang mangyayari kapag pinost ko to’. Balak ko lang ilabas ang stress ko sa pagsusulat kasi di sapat magvent out personally kasi 11hrs. ka ba naman pumila. Salamat!

(Old post 1 yr. ago)

Advertisements


Leave a comment

UTANG NA LOOB

utang na loob.jpgUy! Kamusta ulit sayo mambabasa.(Kung meron man) Ngayon na lang ulit ako nakapagsulat kasi ewan ko ba. Pag nasa byahe ako lalo na pag nasa gilid ng bintana, andami kong naiisip na pwedeng isulat pero pagdating sa bahay, mas gusto ko na magpahinga at maglaro.

Bakit kaya ang hirap sating maningil ng kaibigan pag may utang sila? Bakit tayo pa nahihiya iapproach sila na ipaalala na “Uy! kelan mo pwedeng bayaran yung utang mo?” (With friendly tone na) Bakit nga ba yung iba deadma lang na parang walang nangyari na gustong palipasin yung pagbibigay mo sa kanila ng mumunting tulong? Mas tumatagal pa nga ang utang kesa sa relasyon eh.

Alam ko namang naranasan na natin lahat to. May darating na kaibigan na mangungutang sa’yo kasi kelangan talaga o talagang magulang lang sa buhay. Eh ikaw naman tong mabait na kaibigan, syempre bibigyan mo kahit papano pag may extra kang pera. May iba’t ibang klase ng mga nangungutang. Mag-aapproach yan sa’yo na parang ambait bait na parang tupa with matching makaawa aura para talagang maramdaman mo ang need niya pero sila naman yung kadalasan pag siningil mo eh sila pa ang galit.Meron ding sobrang todo sa promise na kala mo itataya buhay niya para lang mapautang mo. Sasabihin niya na itataga pa sa bato para lang di makalimutan. Meron ding may date pa kuno na babayaran niya agad kung kelan niya sinabi pero pag dumating na yung araw, parang di mo man lang mahagilap kahit san mo siya hanapin.

Bakit nga ba tayo nahihiya maningil? Unang una kasi kaibigan natin sila na nasa mindset na natin na magbabayad naman siya eh kasi alam naman niya yung utang niya. Pero sila yung isa sa mga bihira magbayad kasi tropa tropa daw. Suklian na lang ng errands para kwits. Pangalawa, alam mo background ng buhay niya. Eto yung minsan mahihiya kang singilin kasi alam mo yung kapasidad niyang magbayad. Mapapaisip ka pa na “Wag ko na kaya yong singilin, kasi dadagdag pa ako sa pinapasan niyang problema.” Ang nakakaloko lang dito ay pag makita mo siyang bumibili bili ng kung ano ano na di naman importante tas ipapakita pa sa’yo na parang walang matandaang utang. “Kala ko ba wala kang pera? Hutaenaka!” Panghuli, nasa sistema na ng katawang mahiya. Human nature na ata talaga na tayo yung nahihiya pag naninigil tayo eh. Siguro para sakin kaya di ako pwede magpapayb six kase maawa at maawa lang ako sa mga nangungutang sakin. Parang baliktad nga diba, dapat sila yung nahihiya na di pa nila naibabalik yung hiniram nila pero nagiging muha eh sila pa yung walang hiya na sobrang dami nilang sinasabi sa’yo pag naniningil ka na tulad ng “Alam mo namang wala akong pera eh, bat ba ang kulit mo?”, “Bat ganyan ka, para ka namang walang awa, kita mong naghihikahos ako ngayon”, at ang pinakamalala “Mukha ka talagang pera ano! Hayan na pera mo, saksak mo sa baga mo!” (With balibag pera then walkout) Sa kadulu duluhan, ikaw pa magmumukhang masama kasi naistorbo mo yung oras nila.

Di naman masama mangutang eh lalo na pag kailangan. Di naman ako madamot. Ang sa akin lang magparamdam naman kayo at konting hiya naman kahit papano. Di naman kasi pinupulot ang pera eh.Kasi di lang naman pera ang hinihingi mo pag nangutang, pati tiwala ng tao. Pero yung mga di nagparamdam, di na kayo makakaulit!

PS: Sobrang daming rants pampatanggal ng stress.

(Old post 1 yr. ago)


Leave a comment

Parang may kulang.

parang may kulang.jpgParang may kulang.

Parang may kulang talaga eh

Kulang ng “I”

Kahit pag balik baliktarin

Di pero kung talaga ng “I”

Pag may “I” kumpleto na

Because I already have you

Bakit?

Tignan mo nang mabuti

Kahit pag balik baliktarin mo pa

Yun talaga eh

Wala nang hahanapin pa

Kundi yun eh

Tagalog word siya

First word siya ng hit ng Silent Sanctuary

Di ba? Nakuha mo ba?

You complete me 😀

*Shet ang cheesy at korny che! Like nyo pag nakuha nyo yung sagot. Isa pang shet, parang sa fb lang, like nyo pag nakita nyo takteng yan!

Sige nga anong sagot?

(Old post 3 yrs. ago)


Leave a comment

ISA AKONG SUPERHERO.

superhero.jpgKamusta mambabasa! Kung meron man dyan haha pero nakakatuwa na may isa na daw akong fan! Salamat sa iyo kung nababasa mo to’ 😀 Isa kang dakila. Magsusulat na naman ako para lang mawala ang kaboringan ko. Isa na namang trip na pagsusulat ang matutunghayan nyo. Sensya sobrang pormal ko magsalita. (Napili ko yung suit ni Spiderman kasi favorite hero ko siya)

Nung bata ako, ang hilig hilig ko sa mga superheroes. Natutuwa kasi ako tignan yung mga kapangyarihan nila pati na rin yung mga costumes nila. Dagdag pa yung mga ginagawa nilang mabuti at para iligtas ang mga tao sa kapahamakan at sa masasamang tao. Astig pa yung mga fight scenes kasi yun talaga din yung tinitignan ko. Kung paano sila lumaban. Iniisip ko noon kung nagkaroon ako ng superpowers, ano kaya ang gagawin ko? Magcocostume rin kaya ako? Ano kaya powers ko? May villain din kaya? Tas may sidekick ba ako kung sakali? At kung may leading lady din ako kasi halos lahat sa palabas meron eh.

Napansin ko lang sa mga superhero, para nakafocus lang yung attention sa pagligtas ng tao at pakikipaglaban sa kani kanilang kalaban. Palaging yun lang pinapakita pero yun nga naman talaga ata yung normal eh. Pag may superhero, may super villain pero paano naman kaya yung ibang kalaban kagaya ng tao. Yung mga nakakataas. Di ba isa rin naman silang dahilan kung bakit nagkakaroon ng mga magnanakaw kasi yun yung nakikita ng iba na paraan para buhayin ang sarili nila. Bat kaya di yun yung tugisin nila at ayusin ang bansa haha, Tas paniniwalaan pa sila ng tao kasi superhero nga sila. Pero anong use ng superpowers kung yun lang din naman gagawin mo? Kahit wala naman kaya yun eh.

*Ay yung X-men pala mapolitics kaso more on nga lang sa mutant rights yung sa kanila.

image

Kaya parin naman magamit ang superpowers eh. Kung idle yung superhero at matagal tagal siyang walang kalaban, pwede siyang tumulong sa mga mahihirap o kaya sa ibang tao. Kunwari malakas ka kagaya ni Hulk o ni Superman, pwede kang gumawa ng patubig sa mga magsasaka. Kung si Storm ka naman, papalayasin mo na lang yung bagyo para wala nang masalanta. Sa mga mangingisda, tutulungan ni Aquaman yung tao para makahuli ng maraming isda. Di ba pwede naman tumulong sa mga tao eh kesa puro laban nakikita mo haha.

*Bilib ako sa Avatar yung may bending ah. Kasi siya tumutulong talaga sa mga tao at pinapanatili ang balanse sa mundo.

image

Kaso yang pagtulong nga pala na yan eh sana di na aasa yung mga tao sa mga superheroes kasi baka masanay na palagi silang andyan. Napapagod rin naman sila at kelangan din magbakasyon. Kaya nga may costume yung iba para itago ang identity nila para di sila abusuhin ng tao. Kaya maganda na pang emergency lang sila.

image

*Kung naalala nyo yung episode na inabuso si Spongebob dahil may kakayahan siyang lumipad.

So may balak ka pang maging superhero?

(Old post 1 yr. ago)


Leave a comment

KANIN NA LANG ANG FOREVER

DSC02412.jpgKamusta mambabasa! Ngayon lang ulit ako nakapagsulat. Tinatamad kasi ako at pag magsusulat na ako, bigla kong naiisip na maglaro o kaya tatamarin na lang ako bigla. (Bat kita binabati? Wala naman atang nagbabasa sa blog ko)

Palagi bang may kasamang kanin yung ulam mo? (Pag nagdadiet ka o kung di ka sanay sa kanin, baka di ka makakarelate dito) Natry mo na bang alisin yung kanin at ulam lang ang kainin? Di ba parang sayang? Ulam lang kakainin mo? Pwera na lang kung mayaman ka na di na nanghihinayang. Di ba parang bitin? Lalo na pag sobrang sarap ng ulam. Kaya pag sinabing mataba ka, sabihin mo “Di ko hinahayaang maaksaya ang hirap ng mga gumagawa ng kanin at least inuubos ko at di tinatapon.”

Pag sa hapag kainan, pwede mo na siyang sabihan na “You complete me” kasi parang kulang talaga pag wala siya. Ewan ko ba bat ang sarap kumain pag may kanin. Lalo na pag sinangag na tas kahit anong ulam na ilagay mo dyan, masarap pa rin ang kain mo. Samahan mo pa ng “Liquid seasoning ng knor” pag nakakaluwag. Sobrang saya kumain nun.

Bat pag sa fast food chain napapa extra rice tayo? Siguro masarap yung kanin pero ang dahilan ay sobrang liit ng servings ng kanin. Ang technique ata nila eh pasarapin ang ulam tas kontian ang kanin para umorder ulit ng kanin tas dadami benta nila. Kung ako sa’yo, magbaon ka ng kanin sa bag tas yun na lang extra rice mo. Wala naman kokontra kasi pare parehas tayong kumakain dito. Pakapalan lang naman ng mukha eh. Tsaka nagiging praktikal ka lang.

Pero di lahat ay natatamasa ang kaganahan lalo na pag limitado lang ang pwede mong kainin. Pag sa mga takal takal ang sukat ng kanin katulad sa di mapalad, bawal kang ganahang kumain at maparound 2 kasi lahat ng kasama mo magugutom. Dapat tama lang at yun ang masakit isipin dun.

Babasahin mo pa ba pag hahaba pa tong sinusulat ko? Sa tingin ko nga umpisa pa lang eh ayaw mo na. Pero wala din namang sense tong sinusulat ko eh haha.

Talagang nakadikit na sa atin yung kanin. Kahit san ka kumain, may kanin. Wag tayo mag-aksaya ng kanin. Maraming naghihirap para lang makakuha ng kanin. (Naging adbokasiya pa tong blog na to’)

*Tatapusin ko na kasi baka di mo na basahin pag sobrang haba eh

(Old post 2yrs. ago)


Leave a comment

BARKER, MATH, AT PATOK JEEPNEY

IMG_2559.jpgAng jeep ay isa sa mga pinagmamalaki natin sa Pilipinas dahil dito natin pinapakita kung gaano karesourceful ng mga Pilipino pagdating sa pagbuo ng Jeep galing sa iba’t ibang piyesa ng ibang sasakyan. Pinapakita rin dito ang pagiging malikhain natin dahil ang mga ito ay may sari-sariling disenyo.

Mapunta tayo sa gusto kong sabihin. Bakit nga ba may barker? Di naman na kelangan yun ah. Di ba may sign board naman na tas meron pang nakalagay sa gilid kung san ruta ng jeep? Di pa ba sapat yun? Di ba kaya ng drayber na siya na lang magtawag ng pasahero para maiwasan na rin niyang mahingan ng barya. Anu ba talaga ginagawa nila? Dagdag nga rin sila sa dahilan kung bakit nagkakatrapik eh. Kasi naman papatigilin nila yung jeep tas magtatawag ng pasahero. Sinu nga pala yung unang nakaisip na maging barker? Sinu kaya yung unang barker sa Pilipinas? Nagkajeep kaya siya nun sa pagbabarker niya? Vice versa sa tulong niya sa driver, pag nakahinto yung jeep, sisikapin niyang mapuno yun para mas marami siyang baryang makukuha. Mutualism. Parehas silang nabebenipisyohan. May barya, may pasahero. Mahirap din maging barker, sigaw buong magdamag, boses lang puhunan.

Pag nasali na ang Math sa usapan sa pagsakay ng jeep, minsan may mga problema tayong kinakaharap. Tulad nalang pag sinasabi ng kundoktor na “4 pa! Kasya pa! Sampuan yan sir!” Tas makikita mo sa loob parang wala nang pwedeng maupuan, tas ikaw naman tong nagmamadale kasi late ka na lang palagi, sumakay ka. Minsan di nila naiisip yung “QUALITY OVER QUANTITY” kasi minsan may malalaking tao na dalawang tao katumbas tas ibibilang lang nila ng isa. Minsan naman talagang sa kagustuhan kumita, sasabihing may mauupuan pa pero sobra na kayo sa loob. Parehas parehas lang naman tayo dito na gustong umunlad sa buhay eh. Pag sakay mo, sa sobrang sikip, kalahati ng pwet mo lang ang nakaupo. Dapat nga bayad mo dito kalahati lang din eh. May ibang sitwasyon na sobrang sikip na talaga na di ka na makaupo. Meron din namang may mga habas ng tigas ng mukha na pasahero na kung makaupo, kala mo tatlo binayaran. Pero nadadaan naman sa pakiusapan yan. Hinay lang. Di yun na at nakausli ang kalahating pwet mo na para kang nakasquat. Nakakapanlumo pag sobrang layo ng byahe mo tas walang bumababa, wow daig mo pa sundalong naparusahan sa kakasquat! Siguro nga pag sa kalagitnaan ng byahe may mangyareng di inaasahang trahedya. Isusugod ka sa ospital tas tatanungin ng doktor kung bakit ka sinugod. Sasabihin mo naman “Di na kinaya ng tuhod ko, pumutok na lang sa sikip ng pagkakaupo” Baka maoperahan ka pa. Wag naman sana.

Ang huli. Kung talagang late ka na at gusto mo talaga yung literal na LUMILIPAD NE JEEP, “Patok” yung sakyan mo. At bago mo maranasan ang mabilis na jeep. Mararamdaman mo sa upuan mo ang napakalakas na vibration ng bass na tinalo pa yung Super bass ni Nicki Minaj. Sa sobrang lakas ng bass eh puro bass na lang naririnig mo. With matching “patay sinding ilaw”. Maganda yun pag paalis ka palang. Ang mahirap eh yung pauwi ka na. Yung gusto mo na lang magpahinga dahil napagod ka sa buong araw tas yun lang maririnig mo. Buhay ng gangster na wala ka naman kinalaman sa pagpunta niya ng araw. Siyempre di ka makakatulog nun. Punta naman tayo sa bilis ng jeep. Siguro kung sasali ng drag racing yung patok, may laban eh. “It can run 120km/hr” Daig pa yung mga kotse. Kulang na lang pag nagbabyahe na kayo yung soundtrip na… I’m on my highway to hell… Para kasing isang bangga o pagkakamali lang ng drayber, patay ka na. Ang hilig pa nitong sumingit singit pero walang preno preno. Di mo talaga mararanasan ang adrenaline rush. Dasal lang tayo kaibigan!

At yun, ewan ko kung nagbabasa ka dito o umabot ka sa part na to. Pero thank you!

(Old post 1yr. ago)


Leave a comment

Ang Pangarap kong Regi

pangarapkongregi.jpgAng pangarap kong Regi.

Bibihira lang daw ang nakakapasok dito

Madami ang sumubok

Marami din ang nabigo

Andami nga naman talagang sumubok

Tila magagaling ang mga nakapasa dito

Yung iba siguro sinuwerte

Pero ang swerte mo naman talaga tol

Pero yung iba talaga magagaling.

Mahirap talaga pumasok dito

Mga 7 a.m. – 4 p.m.

Mahigpit pa mga guard

Di ka makakapasok pag walang I.D.

Buti na lang andyan si Regi

Palaging back-up pag wala si I.D.

Pero pag wala si Regi

Ay kawawa ka naman, antay ka na lang sa labas o magmakaawa

Pwede rin naman gamitin yung resibo

Pero parang anlabo naman

Matagal nang tapos ang enrollment

Ngayon ka pa lang nakapagbayad? haha

Ang pangarap kong Regi

Anung eskwelahan ba ang may 12 per unit?

Kalidad naman sa bagay ang edukasyon

At murang mga kainan.